السلام عليكم ورحمة الله وبركاته


اجمع لكم هذه القصااائد وهي تحكي عن((الوداع))


جمعتها ولي مغزى من جمعها وهدف.......


وستعرفون الهدف عن ماقريب..

وستكتشفونه...






أقدمـــــــــــــــهـــــــــــــــــــــــا لكــــــــــــــــم..............

**وداعيـــــــــــــــــــــــــــــــــــــــات**

....
قلت الوداع.... وجاوبـت دمعـة العيـن
تجـرح.... بساتيـن الخـدود... النديـه
واغضت..وشفت بعينهـا الحزن..حزنيـن
وصاحت ..على الفرقا ...انـا مـو قويـه
وجاوبتها....ارجـوك ..تكفيـن.. تكفيـن
واللللـللله دمعك....يشعـل النار...فـيّـه
وقالـت ...تعاهدني..عـهـاد المحبـيـن
الله يخـون... اللـي يخـون ...بخويّـه
قلـت ابشري...واللـي خلقـك لاتظنيـن
حرااااام...ماغيرك...عشقـت ..آدمـيـه
وقصّت شعرها...قلت انـا..وش تسويـن
قالـت ابـي ..مـن غرتي....لـك هديـه
ونادتنـي الغربه...علـى الهـم والبيـن
احسّـب الأيـااااام... روحـه... وجيّـه
وفي كـل ليله...ترتسـم بيـن رمشيـن
خيالها...بيـن الـرمـوش... الشقـيـه
غربة سنه...فـي ذمتـي غربـة سنيـن
متى علـى الله.. يلتقـي الحـي... حيـه
خلاص...هانت...مابقـى غيـر يومـيـن
خـلالالالاص ... قفّت..غربـةٍ جرهديـه
ورجعت....شوقي في خفوقي... براكيـن
ورجعـت انـا... كلـي لها....جاذبـيـه
وسألت ما ردّوا...وانا اصيح هي..وين !!!
وكلٍ نثر... مـن داخـل العيـن... مَيّـه
وفـي معمعـة حزني...تلقيـت رمحيـن
قالـوا توفـت ..غافلتـهـا ...المنـيـه
وفـي غرغرتها...ماذكرت...غيرحرفيـن
تشهـدت بسـمـك... شـفـاه البنـيـه
وتزاحمـت فـي داخلي...ألـف سكـيـن
والحزن..يطويـنـي ثمانيـن....طـيّـه
صدمه..وجابتنـي علىالارض..نصفـيـن
وشلـون راحـت دون... ذنـب وخطيـه
تكفون....دلـونـي علىالقبر..هالحـيـن
مـاعـااااد فيـنـي للصبر....مقـدريـه
ووقفـت اطالـع قبرها...بيـن نصبـيـن
وجلست..اضـم اغلـى النصايـب عليّـه
واصيح....وش بك يا غلا.. مـا ترديـن
اشتقـت.. همس..إشفاهك...النرجسـيـه
وش فيك...جيت من السفر...مـا تهليـن
ماهي بلك عـاده....ولا انتـي... رديـه
وحاولت في لحظة جنون...اجـرح الديـن
وازيـح تـربـة قبرهـا....فـي يـديّـه
وبالغصب شالوني...حشـا تقـل مسكيـن
واصـرخ بهم...والله...والللـللله حـيّـه
اقفت...وتاهـت بـي جميع..العنـاويـن
والحـزن يلعب...داخلـي ....سامـريـه
ورجعت لـدروب الشقـا.. قبـل عاميـن
مدري مـن اللـي صـار.. فينـا ضحيـه

************************************







ودعتها واخفيت عنها دموعي ii"
" خايف تحس بحسرتي iiوالتياعي
ودعتها والقلب مني جزوعي ii"
" جزعٍ من الفرقا قليل iiالمساعي
حيث الفراق لمن تولع يلوعي ii"
" لوعات فرقاه ماوراها iiاجتماعي
في لحظة التوديع هديت روعي ii"
" بيني وبين النفس قمة iiصراعي
اخفيت ما حسيت بين الضلوعي "
" خايف عليها لا تحس iiبضياعي
قالت فمان الله وانطر رجوعي ii"
" واشرت بالتوديع حال iiاستماعي
ساكت ولا رديت ماهي طبوعي ii"
" من عبرتي تفرض علي iiامتناعي
حان الرحيل وحان وقت الفجوعي "
" واقفت وأنا عيني عليها iiتراعي
بين الرجا واليأس صبري يموعي ii"
" على الوداع اشلون قلبي iiاستطاعي
من عقبها اسهر مسندي راس كوعي "
" لأنام خالي البال تميت iiواعي
تومي بي الحسرات من غير طوعي "
" هذا الغلا ماهو غرام iiصناعي
اقنب كما ذيبٍ تقفاه جوعي ii"
" لامن ذكرت فراق حلو iiالطباعي
اللي لاجله هان عندي خضوعي "
" والله مانسى دمعته في iiوداعي



***************************





قبـل الــوداع استـأذنـك ودي ابكـيـك

نفـسـي ابــرد حــرة الـدمــع فـيـنـي

مـن عقبهـا روحـي عسـا الله يهنيـك

والله يـصـبـرنـي لـبـاقــي سـنـيـنــي

لاتـذرفـيـن الـدمــع بـفــراق غـالـيــك

ولاتحزنـيـن ان هـلـت الـدمـع عيـنـي

انـا قضـاي امـوت بــك وانـدفـن فـيـك

واعشق جنون انسان مجنون فينـي

بـــا الله لاتـطـريـن مـاضــي لـيـالـيـك

وان حـــل مـوعـدنـا فـــلا تحـتـريـنـي

وان مـر طيفـي فـي خيالـك يجاريـك

صــدي مـدامـه عـهـد بيـنـك وبـيـنـي

لا والــذي صـــورك مـانـيـب نـاسـيـك

وادري عـقــب فــرقــاي تتـذكـريـنـي


****************************



مغادر عـن ديـار الـذل والاحـزان والاتعـاب
معاناتـي يجـي لـي يـوم باغـادر وخليـهـا
يجوز اني بغادر واترك أحبابـي بـدون أسبـاب
وجميع امذكراتي مـن صميـم القلـب ابلغيهـا
آنا راسي من أهل الحب واهل الغدر شعره شاب
أنا قصة حزن تبكي وتذهـل مـن سمـع فيهـا
تعبت أجامل الحلوات واضحك واعشق النصـاب
تعبـت احلـل الغلـطـات وافـسـر معانيـهـا
لوني بكتب اجروحي حشى ما يحتويهـا اكتـاب
وإذا حاولت ابشرح قصتـي يـا كيـف ابنهيهـا
تجيني وردة ٍحمرا وتكتب لـي غـزل واعجـاب
واصدق واخذ الوردة لجل مـا تـذوب واسقيهـا
وأنا طحت ابغرام الورد مسكين أو صغير أو شاب
وإذا شفت الورود الذابلـة مـن قلبـي ابكيهـا
واثر هالـورد كلـه لا رفيتـه ينقلـب لتـراب
أثره أيحـب مـن يتلـف لـه اوروده ويثنيهـا
خلاص اليوم أنا قلبي من جروح المحبـة طـاب
وإذا كبـدي تزايـد جرحهـا بالنـار ابكويـهـا
أنا شعري تغنو فيـه شعـار أو ربـع واغـراب
وكـم حلـوه إذا هامـت قصـا يدنـا تغنيـهـا
وهـذا مـا كسبتـه والبقايـا قلبـي المنصـاب
وقامت حالتـي تذبـل وأنـا بالعيـن أراعيهـا
وقررنا نسكر ماضـي الحسـرة بقفـل أو بـاب
وجميع امذكراتي مـن صميـم القلـب ابلغيهـا














**********************************



ودعتكـم وفـي القـلـب ضيـقـه ** ليـت الــوداع الـيـوم مـاكـان

ضــاق بـالـي وهــذي حقيـقـه ** عايـش علـى هـمـي والاحــزان

مـن يـوم سافـر عمـري مطيـقـه ** اناجي الليـل وحالـي بـات شقيـان




****************************